O Certificado de Orixe Comunitario, que emiten as Cámaras de Comercio, demostra a orixe da mercancía. Emítese para documentar as exportacións a países cos que a UE non ten Acordos Comerciais, non é válido para acollerse ao beneficio arancelario que establecen os Acordos Comerciais da UE.
O EUR 1 é un certificado de orixe expedido polas Autoridades Aduaneiras. É o único documento válido a efectos de acollerse ás reducións arancelarias establecidas entre a Unión Europea e os países cos que mantén acordos preferenciais.
O FORM A é un certificado de orixe expedido polas Autoridades Aduaneiras. Expídese para as mercancías destinadas aos países SPG.
O ATR é un certificado de orixe que substitúe o certificado de orixe nos intercambios comerciais entre os países comunitarios e Turquía. Existe un ATR.1, para o caso no que as mercancías vaian directamente dun país da UE a Turquía, e un ATR.3 para os demais casos.
No hay comentarios:
Publicar un comentario